05 MAIO, BOQUEIXON: VII TROFEO KUMI KATA PRIMAVERA

LUGAR DE REALIZACIÓN: 

Pavillón de Boqueixón

Forte, 39 - 15881 Boqueixón, A Coruña

...........

Accesos fóra do pavillón 

Dentro do pavillón:

NORMAS PARA @S JUDOKAS 

RESULTADOS FINAIS LIGA OLEIROS: O EQUIPO SUB11 PRATA NA LIGA

Hoxe sábado 20 de abril terminaba unha nova edición da Liga do Concello de Oleiros, organizada polo JC Oleiros, a quen coma sempre agradecemos a súa invitación e a súa gran organización. É un clásico de noso calendario.... e de moitos clubs galegos e mesmo asturianos. 

Comandaban a nosa expedición como adestradores Mano Pereira e Javi Veloso, axudados polo judoka s18 Hugo Viqueira. Moitas grazas aos tres!

Gran papel d@s nos@s judokas, que se resume:

CATEGORIA SUB 11

Na categoría s11 con 23 equipos quedamos nun intre de gañar a liga no play off polo título, xa que acabamos empatados a 2 victorias e 1 derrota. Victorias ante Lacaba 4-1 e JC Coruña 3-2 e derrota ante o gañador da liga, Avilés A por 0-1 nun encontro super axustado e cunha derrota in extremis. Aínda que tiñamos máis puntos, o sistema de desempate se determinaba polo enfrentamento directo entre os equipos empatados, co cal, Avilés levábase o ouro e nós a prata. Gran traballo e merecida medalla.

Lucas, Gonzalo, Hugo, Pablo, Martín, Hugo, Diego, Matías, Héctor

O equipo B loitaba na liga B vs cinco equipos e acabamos cun bo resultado de 3 victorias e 2 derrotas, a saber: 4-1 vs Sal Lence, 3-1 vs Shiai 1972, 3-2 vs Oleiros B; 1-3 vs Sagrado Corazón e 1-3 vs Oleiros A. Firmaban deste xeito un meritorio posto 15º. Noraboa igualmente!!

Martin, Valentina, Thiago, Manuel, Filipe, Pablo, Hugo, Caitán, Enzo

CATEGORÍA SUB 13

O noso equipo, quen pelexaba na liga A polos postos do 9º ao 12º fixo un bo papel, tendo en conta as baixas, e finalizaba 11ª nunha liga de 29 equipos! Victoria 3-1 vs Labaca Esclavas, derrota ante Hércules 3-0 e empate 2-2 (21-21 puntos) ante o Escola. Felicitamos tamén ao noso equipo sub13!

Marta, Ubaldo, Liam, Simón, Martiño, André
 

SUPERCOPA ESPAÑA ABSOLUTA, MARÍN

Hoxe sábado 13 de abril saían ao tatami na Supercopa de España de Marín 3 judokas do noso club co fin de acumular combates e mesmo nalgún caso sumar puntos no ranking. Non houbo sorte e unha mestura de factores levaron a que ningún dos nosos judokas pasara da primeira rolda e tivese opción de repesca. 

En -60 kg competía Javi Veloso, junior de 1º ano, contra o valenciano Hinojosa, 9º do ranking nacional 2023. Máis forte ca nós nos agarres o rival consigue proxectar con sode. Perde en cuartos de final, co cal, ficamos sen repesca. 

En -90 kg tiñamos a David Alvarez e Alex González. David libra en primeira para facer contra o portugués Miguel Dias, moi forte nos agarres de zurdo, o que determina o combate, a pesar de empezar marcando David de wazari, recibimos 2 shidos, e polo medo ao terceiro shido entramos no xogo do rival, quen nos vence por uchi mata. Gaña o seguinte combate pero se lesiona, renuncia á semifinal e quedamos fóra da repesca. 

Alex sae contra o quinto de España 2023, o valenciano Arambarri, quen nos domina arriba e nós nos metemos detrás nos desplazamentos, o que acaba nun sutemi e ippon. O rival perde logo contra o portugués Diogo Luis e tamén quedamos sen repesca. 

Resumindo, sorteos complicados e unha mestura de circunstancias variadas, pero estamos nunha Supercopa, co cal, se queremos estar arriba, temos que ser quen de superalas. Boa actitude en todo caso dos nosos judokas... e a seguir sumando combates. 

SABADO 20 ABRIL: LIGA OLEIROS S11 + S13 PLAY OFF FINAL

 

CAMPIONATO GALICIA S15 E S18: 1 PRATA, 2 BRONCES E 2 7º

O sábado 6 tiñamos unha das citas importantes do ano no Galego s15 e s18. Iamos con 6 judokas con obxectivos claros dados os ranking e cptos ata a data: estar arriba en varios pesos. Quedamos moderadamente satisfeitos da actuación d@s nos@s judokas, cuxos resultados foron:

Prata: Mateo Bello +90kg s18

Bronces: Hugo Viqueira +81kg s18 e Claudia Vilaseco +63kg s15

7º posto: David Pérez +66kg s15 e Gabi Landín -42kg s15

9º: Claudia Martínez -52kg s18

Empezando c@s s18 tivemos un pouco de todo. Tiñamos 2 cabezas de serie número 1 no seu peso: Mateo e Claudia. Mateo en +90 kg deixounos un déjà vu: chegamos a final tras unha bonita proxección de tsuri goshi, para logo na final ante Noe González levar ben o combate e nunha acción embarullada, cóllennos arriba, ficamos atrás e nun makikomi a priori defendible, nós non damos resposta e nos marcan ippon. Unha mágoa repetir erros logo dunha tempada moi boa en xeral, pero con días como este sábado. Fica primeiro no ranking galego e con isto xa está clasificado para o nacional, mais non podemos permitirnos erros así. Claudia en -52 ía como favorita, pero non tivo o seu día, fisicamente non estivemos ben e iso levou a que non foramos quen de mentalmente sacar isto adiante e quedou sen medalla. Unha gran judoka, mais ás veces pasan estas cousas... Hugo en 81 kg fixo un gran campionato. Temos que controlar un pouco máis certos temas, pero marcou 2 ippons in extremis, remontando combates mesmo en golden score, como o bronce e só cedeu nos seus 4 combates en semis ante Freire, ex campión de España.

Os infantís viñan cunhas expectativas algo menores, pero saímos durmidos e David en +66 kg quedou fora da loita do bronce tras perder un combate que levabamos de sobra; Gabi en -42kg viña co obxectivo de disfrutar do torneo e facelo o mellor posible e quedou fóra das medallas. Ficamos contentos coa súa actitude. Claudia en +63kg viña co fin de gañar, mais non saímos centrados e quedamos fóra da final. No bronce victoria apretada, pero premia a súa ilusión. 

06 ABRIL CAMPIONATO DE GALICIA S15 E S18 (LUGO)

 

NUCLEO ADESTRAMENTO DA COMARCA, 27 MARZO

Hoxe aínda ten  máis valor este proxecto desenvolvido desde a Delegación de Judo de Santiago, xa que nesta ocasión no medio da Semana Santa participaron aproximadamente 70 judokas de varios clubs de toda Galicia das categorías s-15 ata senior. Estiveron presentes 8 judokas nos@s e o sensei Manuel.