Onte sábado 05 de abril chegaba un dos obxectivos da tempada para vari@s d@s nos@s judokas: o Campionato de Galicia s15 e s18. Presentabamos un equipo relativamente pouco numeroso, influido pola ausencia por viaxe e por lesión dalgúns d@s nos@s. Os obxectivos, coma sempre, moi diversos: por unha banda facelo o mellor posible e que iso nos leve a onde teña que levarnos, sen presión ningunha, e noutros casos, a loita polo título.
Ficamos moi satisfeitos polo papel en xeral de todos os nosos judokas. Todos trataron de facelo o mellor posible e saíron coa mellor actitude posible.
En s15 saía Liam Otero, quen en adestramentos mostra unha gran calidade, pero en competición, faceta na que está dando os seus primeiros pasos, estamos aínda en fase de adaptación. Perde en primeira ronda, para logo na repesca caer nun combate que ía bastante ben, pero precipitouse e marcouse un auto ippon. Mellores sensacións en todo caso a nivel xeral.
En s18 competía Gabi Landín nun combate previo de -50kg, no que houbo moitas puntuacións, polo aberto que foi, no que tivo moitas opcións, pero malas decisións nalgún momento, levaron a conceder demasiado e pensamos que ben pudo gañar nesta ronda. O seu rival do JC Senín perdeu logo, co cal quedamos sen repesca.
En -90kg saiamos con David Pérez e Hugo Viqueira. David facía combate previo contra o rival do Compostela contra quen xa temos feito varias veces, entramos no xogo e perdemos por ippon e ficamos sen repesca. Temos que dicir que viña enfermo e que está nunha categoría á que lle está costando adaptarse, pero hai que seguir aí.
Pola súa banda Hugo Viqueira viña con firmes opcións de medalla, a pesar do seu cambio de categoría de peso de -81 a -90 en mitade da tempada. Primeiro combate contra o cabeza de serie nº 1, Hugo López do Hércules, con que ultimamente non faciamos ben. Traballo moi serio de Hugo nos agarres, sen dar opción de ataque, el realizando varios, inmovilizamos ata wazari e, despois, a uns segundos do final marcamos ippon de seoi. Moito desgaste físico neste combate, que non impidiron a victoria en semis ante Guerrero do Compostela por luxación. Na final, Javier Míguez do Galicia Sur, ante o cal levamos un bo traballo contra o seu agarre de zurdo, pero nun par de accións de Hugo de ura nage desgastamosnos de máis, baixamos o ritmo, e o final un erro ben aproveitado polo rival leva ao ippon de inmovilización. Noraboa en todo caso a Hugo por hoxe, unha prata ben merecida.
Mateo Bello viña como favorito, xa clasificado por ranking nacional para o Campionato de España, en +90 kg e como tal exerceu. Dominando en todo momento os seus combates conseguía o ouro. Agora á concentración de Marín, coa selección nacional e a seguir traballando.
Os clubs do NuGa onte, que tiveron en xeral unha gran actuación
