Fin de semana completiña con eventos o sábado e o domingo en puntas opostas da Península. O sábado 6 marchaba Hugo Viqueira coa expedición do NuGa á Supercopa España Cadete de Pamplona, coa clara intención de lograr o ouro e subir escalóns e puntos nos rankings galegos e nacional. Algo subimos en puntuación, pero de novo un mal combate nos leva á repesca, onde si que xa presentamos unha mellor versión e logramos o bronce de novo. A continuar loitando pola clasificación directa ao nacional por ranking en -81kg.
Libramos en primeira como cabeza de serie, para na segunda facer un combate dos peores do ano, senón o peor, desde moitas perspectivas. Equivocámonos en agarres, desprazamentos, técnicas intentadas... todo ao revés ante o tamén galego Leandro Rodrigues, quen nos marca, nós tamén, pero logo quedamos fóra por shidos. Na repesca victorias solventes ante García Espinoza (NAV) e Rancic (VAL), para facer un bo combate no bronce, ante o rioxano Beni Velilla, a quen marcamos e aguantamos a avantaxe. Como nas anteriores dúas ocasións, meritorio bronce tras repoñerse, pero estamos a regalar moitos puntos en combates nalgúns casos dominados por nós, para logo errar e botar o bo traballo pola borda. Aínda así, estamos na pomada grazas á constancia de Hugo, pero temos que seguir modelando cousiñas.
LIGA RIAS ALTAS, CARBALLO, 7 DECEMBRO
O domingo longa xornada, mesmo se para esta 2ª xornada da liga decidimos acudir "só" con 3 categorías, sub15, sub18 e co equipo senior.
Na categoría s15, bos resultados e en xeral boa competición dos nosos: unha prata, dous bronces e dous quintos. Nesta sesión estivo presente Claudia Martínez, axudando ao sensei Manuel.
En -38kg Nahuel Martarelli sumaba unha nova boa actuación quedando ás portas da final, para logo conseguir o bronce. En -42kg Simón González deunos a impresión de poder facer algo máis, pero os detalles cada vez contan máis e, por pouco, quedamos fóra do podium, firmando un quinto posto. No podio de -46kg dous dos nosos: Liam Otero obtiá o bronce, tras facer un bo campionato, e perder unha semifinal de moito nivel, na que os shidos decidiron o gañador. No combate polo terceiro posto, gran barrido de Liam. Coma sempre moitas gañas, traballo e ilusión de Liam, quen quedou pola tarde para ver e axudar nos combates do equipo senior e da categoría s18. O outro judoka en -46kg foi Martín López quen fixo un gran campionato e meteuse coa moi boa xestión das avantaxes que obtiña, logrando unha meritoria prata. Quedaba tamén co quinto poste André Gregorio, quen estivo mellor que en Cambre, o cal é bo síntoma. Martiño Romero saía en -50 kg, quedando sen medalla. Costounos moito resolver ao noso favor situacións tácticas durante os combates. Noraboa a todos!
Na categoría sub-18 decidimos traer a un só judoka, Dani González, -55kg, a quen lle pesou o parón por culpa dun esguince e quedou fóra das medallas. Este ano está tendo mala sorte cun par de infortunios. Axudou neste caso Mario Vilaseco, quen viña para apoiar, dado o caso, en -75kg ao equipo senior e dirixir os combates de Dani.
EQUIPOS MIXTOS
+85 Mateo Bello, -85 Ayoub Elmessaoudi (JC Sotillo), -75 Giga Gigani e Mario Vilaseco, -66 Hugo Soria (Famu), -60F Claudia Martínez, +60F Montse Pardo (JC Sotillo, formada na nosa canteira)
O equipo senior mixto selou un meritorio quinto posto, que sabe a pouco, porque a pesar da igualdade entre varios clubs, matices durantes os encontros nos alonxaron dunha mellor posición final, tendo un equipo con boas opcións.
Empezabamos o noso periplo contra os sempre hipercompetitivos JC Coruña, cun marcador moi enganoso 1-5, xa que moitos dos combates se decidiron in extremis, incluíndo o de -85kg, onde iamos gañando por wazari (quen ben podía ser ippon) e yuko (que ben podía ser wazari) ante un judoka que estivo sempre a remolque e encontrouse cun regalo en judo chan a borde de tatami que foi quen de aproveitar e acabou en inmovilización en contra nosa. Todos os combates estiveron moi disputados, pero non quedamos contentos con certas situacións dalgún encontro.
Repesca vs JC Base, con boas victorias en +85, -85, -66 e +60. En -60kg algunhas situacións non xogaron a favor nosa, sobre todo a acción que deu a victoria á rival, un ataque agarrando perna que, considerando que pode ser judo chan, non é sancionado, pero sen embargo recibe o premio dun yuko (!) A verdade é que a falta de cámara de apoio aos combates non axudou nada, e a tensión dos encontros menos, pero os matices importan e moito. En calquera caso, temos que ser capaces de resolver antes. Victoria por 4-2 ante o Base, que nos levaba ao encontro vs Campolongo, con victoria por 6-0 con bos combates en xeral de tod@s @s nos@s.
No encontro polo bronce vs o Fibra, moi igualado todo, pero no combate clave de 75, que podía supoñer a remontada ou a derrota matematicamente, fomos inesperadamente derrotados. O balance foi de 2-4.
En liñas xerais, boa actuación, ficando moi contentos c@s judokas fichad@s, moi implicad@s; @s da casa estivemos algo irregulares, con Giga pagando o prezo dunha longa pausa sen competir, Claudia non estando fina e tendo mala sorte en certas situacións, e Mateo nunha clara mellora.
Xa de volta en Santiago, vari@s do equipo fomos cear xuntos para relaxarnos e pasar un tempo xunt@s :) e con gañas da seguinte xornada no mes de xaneiro!
O equipo senior + Dani (s18) + Liam (s15)
