01 febreiro ADESTRAMENTO USC + 02 CAMPIONATO GALICIA JUNIOR

Seguimos con varias frontes abertas todas as fins de semana. ESta vez foron tres eventos.  

Pola mañá tivemos en Fene, na Casa do Humor, organizado pola Federación Galega de Judo e D.A. o seminario de reciclaxe de arbitraxe no que se tocaron as novas normas que logo se aplicaron por primeira vez en campionatos oficiais pola tarde. 

O día pechábase co Campionato de Galicia Junior en Ferrol. Pola tarde saiamos ao tatami con obxectivos claros, algún se conseguiu, outros quedaron a medias. En xeral estivemos competitivos, pero non fin@s de todo. Dous bronces e un quinto posto sobre catro foron o noso botín. 

En -66 kg victoria de barrido de Tomás Vázquez, para logo competir contra o sempre difícil judoka ferrolán Carrodeguas. Combate igualado e na segunda parte do mesmo un dos varios intentos de kata guruma de frente do rival nos pilla e marca ippon, mais o judoka local non chega a semis, co cal quedamos sen repesca. Non damos desatascado a bucle na que estamos, pero temos que ter paciencia, porque calidade haina. 

En -90 kg estreaba categoría de peso o aínda cadete de segundo ano Hugo Viqueira, quen logra un meritorio quinto posto, que ben pudo ser máis. En 1ª derrota vs o medalla nacional Trillo. En repesca victoria fácil, para no bronce perder contra o a priori principal rival no galego cadete, López, judoka do Hércules. 

Os bronces chegaron da man de Mateo Bello en -100kg, cadete de último ano, quen, unha vez acadado o obxectivo primeiro, a clasificación matemática por ranking nacional s18 en +90kg, viña coa meta de acadar o ouro e poñerse primeiro do ranking galego junior e, deste modo, se clasificar directamente para o sector oeste. O primeiro obxectivo non foi cumprido, tras caer en semis nun mal combate, para logo obter o bronce contra García Mayo, onde non estivemos finos, pero logrouse a victoria de ippon. O segundo obxectivo si que foi alcanzado, xa que este resultado permítelle adiantar ao ata o de agora primeiro no ranking galego. 

Claudia Martínez obtía o bronce en -52kg tras catro combates onde vimos dúas caras, pero en xeral foi unha boa competición, que lle permite asentarse nos primeiros postos do ranking galego. 

A ampla expedición do Núcleo Galeo, NuGa, ao que pertence o noso club, e que se trouxo unha boa cantidade de medallas e quintos postos. 

O sábado tiñamos o núcleo de adestramento na sala de judo da USC, con clubs de toda Galicia, rondando @s 130 deportistas en dúas quendas desde s11 ata seniors. Participaban 8 judokas na 2ª quenda (s15 e +): Javi, Claudia M, Liam, Hugo, Mateo, Tomás, Lucas e Pablo. Na primeira quenda viñan mais de 20 judokas s11 e s13 do noso club. 

Lembremos que estes adestramentos son froito da colaboración da Delegación de Santiago, da Federación Galega e da USC.